كرهتك لاني انسانه

رجع لي سرحت بعيد أيام القسا والظلم
أيام كنت أتمنى لو أقضي العمر باحضانه
رجع لي وكان متوقع بكلماته أنا أهتم
رجع لي وقال أنا أسف حقيقه كنتي إنسانه
ياأطيب قلب في الدنيا تركتك دون لا أهتم
ردي ترى كلي يبيك وروحي حيل تعبانه
ياأقسى قلب في الدنيا أنا صعبه علي أتم
بعد ماتغير إحساسي نسيت حبك وألوانه
أنا ماني عبيرإللي على خبرك تقولك سم
وتتحمل علشانك عذاب الحب وحرمانه
كنت أشيل السهل عنك والصعب لازم يتم
وللأسف من زود حبك أرضى لنفسي الاهانه
من تكلم فيك كلمه عشرة ترجع له بذم
في حضورك أو غيابك كنت أحفظلك مكانه
شوفها حكمة حكيم قالها في ليلٍ عتم
ترى الغالي مانشعربه إلا بعد فقدانه
واليوم ماينفعك عذرك ولوعينك بكت لي دم
عرفت الحين حبك زين في كل أوضاعه خيانه
وكانك تنتظر ردي فخذ ماجاك وهذا علم
إنك مت في قلبي ولا عاد لك عندي مكانه

كرهتك
لا تناديني ترى قربي بجنبك حلم
كرهتك
لاني
من سبتك عرفت أكون إنسانه

والله برافو عليكى يستاهل