احلم وحقق حلمك فى امنيات

الموضوع دا لازم تدخلوه كلكم

ايه الموضوع ؟؟؟؟

الموضوع ياجماعة

إنى حلمت انى لقيت خاتم سليمان

مش حاقول مصباح علاء الدين علشان الواحد معندهوش استعداد يقعد يفرك فى المصباح لحد نفسه ما يتقطع

كفاية علينا نلبس الخاتم

انا بأه لبست الخاتم

واول ما طلعلى الجنى وقالى: شبيك لبيك عبدك وملك ايديك

انا ابتديت اقوله احلامى

حتشوفه دلوقتى اول حلم

انتوا بأه ياحلوين :

لو كل واحد فيكم شاف نفس الحلم ولقى خاتم سليمان

ياترى ياهل ترى حيطلب منه ايه ؟؟؟؟

وايه اللى نفسكم فيه وتحبوا الجنى يحققهولكم ؟؟؟

ها ؟؟

صعبة دى ؟؟؟؟

سهلة خالص

حتى شوفوا أنا طلبت ايه ........

نفسى أنا ....

ف قلوب تسافر للسما

تسكن هناك جنب القمر

تبدر أمل

يهدى نفوس الحيرانين

يملا عيون المحرومين

ويفك أسر المحبوسين

يفرش طريق مليان ورود

ولكل حلم يقوله عود

يزرع حياتنا بالأمان

\\
\\
\\
\\

وراح اقول كمان :

نفسى فزمان طيب

يمسح الاحزان من على جبينى مسح

يرجع الاحباب والاهل والصحبه

ويداوى كل قلب انجرح

نفسى انا فشمعه تملا طريقى نور

واهديلكم الشمعه واهديكم امل مبدور

اخضر بلون قلبك يعدى بيكى السور

لبكره شمسه جديده وكأنها بنور

بريئة فبرائتك مليا قلوبنا سرور

تعيشى وتتهنى وعنك

الهم يبعد بعيد ,, بعيد بعيد ويغور

وكمان علشان أقول كل الى ف نفسي لان الى ف نفسي حجااااااااات كتير

معلش بقا الجني هيطق منى وممكن يطير منى بس هقول الى ف نفسي

نفسى انا فتوبه ,,

توبه ولحظة صدق

اتهنى بالتوبة واعيش بزاد الصدق

والزهد فتيابى والرحمة ويا الود

نفسى انا ارجع بريئ جوه المهد

لا دنيا همانى ولا فبالى حد

واشيب فدنيايا
\\
\\
\\
\\

نفسى أنا ف حاجات كتير

أحلامي يا ناس كـُتار

وبجد مش هزار

بَحْلمْهَا ليل نهار

اصل أنا نومي تقيل _ _ _ _ بحلم

بمستويات كتير

وانا مسؤل كبير

أو حتي باش غفير

هاقولها ع الملأ _ _ _ _ _ ويارب كده على طول

أصل انا شاب مصري

مسلم سعيد بنصري

على كل شطان في عصري

عاوز بقا يغويني _ _ _ _ وللشر يقولي قول

اصل انا

بحلم ببنت جميلة

متدينة و أصيلة

مش بنت واحد نيلة

\\
\\
\\
\\

اتمنى ان تقرأو حلمى

اصل انا كمان عايز اشوف ايه احلامكم ف الوقت دا

احترامى وتقديري

ربنا يوفقك ويارب احلامك تتحقك كلها
ياتري اقدر اقول احلامي ولو قولت هتتحقق كلها ولا جزء منها نفسي الزمن يرجع بيا تاني لورا زمن الحنان والدفئ نفسي اغمض افتح الاقي والدي رجعلنا مع انه مستحيل بس نفسي يرجعلي لاانه قالي كلمه قالي لو مت هتحسي بيا وفعلن انا حسيت بيه
ونفسي امي ترجع لينا وربنا يشفهلنا وميحرمناش منها ويفضل حساها معانا في الدنيا وتجوزني انا واخواتي وتشيل عيالنا ان شاء الله لاني من غيرها ولا حاجه انا ماشيه بدعاها ليه بنصايحها ليا بنورها ليا ربنا ميحرمني منها
ونفسي الدنيا يتصلح حالها عايزه زمن الحب والامان عايزه انام مطمنه مش وانا خيفه ياتري احلامي ديه هتتحقق
نفسي في الانسان اللي يراعي ربنا فيا ويحافظ عليا ويكون بيخاف ربنا علشان يخاف عليا عايشه بحبه ليه مش خداعه

يارب احلامنا كلها تتحق يارب

انا نفسي ::

أكتب للعالم روايه الجنون حين إجتيازي نطاق الجنون

سأكون كالفيروس الذي يصيب النفوس ويهاجم شرها

سأجعلل للأبداع طريق أخر

وسأسلك طريق الموت لأهدي موتي لضعاف النفوس وأهدي تجربتي من يريد الموت

سأبكي حتى تنتهي الدموع

سأكون انسان بصورة ملاك

سأمحي كلمه الغدر عن الوجود

وسأكتب حتى تنتهي ماسأت البشر

سأقذف كلماتي الحنونه بكل مكان

سأقص مأساتي الخياليه في جميع الأزمان

سأبدأ عند أنتهاء الشر المستمر

سأكون المعاقب بهذا الزمن

سأكون أسطورة الخيال

همي مأسات الناس تزول

وسعادتي رسم إبتسامه على شفاه المخلوقين

واتمنى ان يتحقق املي

احساس جريح

اسمح لى ان ارد اولا بكلمات الشاعر\\

صلاح مرزوقى عندما قال

خاتم سليمان

لو كنت؟
شعر صلاح مرزوقي

لو كنت املك خاتم سليمان
لغيرت وجه هذا الزمان
اترك الليل لأهله
وامحوالنهار..
امحوا من الأسبوع يومين
اغتال الربيع والصيف،
اامر الشمس ان تمتص البحار
كي لا تعرفوا المطر..
اسجن الأحلام الجميلة
في صدر النجوم
والموت،
في صدر القمر
كي لا تموتوا..
اخفي الاطفال والنساء والشجر،
هذا زمن المسخ
هذا وجه سقر..
لو كنت املك خاتم سليمان
لمزجت بين عقيدة الانس والجان
وغيرت خارطة الحلال والحرام..
اذا، غني لي سيدتي
كي انسى احزاني،
اخرج من جسد العرب
فحال العرب ابكاني
غني لي سيدتي
وارقصي معي
كي انسى زمني
فزمني اقبح الازمان..
تعالي ايتها الأنوثة
نرسم الربيع على صفحات الوجود
فيعود الحب
ويفوح من عطر الورود..
ذكريني ايتها الرائعة
بصوت السماء..
لو كنت املك خانم سليمان
لغيرت جسد النساء والرجال
عبث هذه الانوثة
لا عطر فيها..
هذا زمن تخنث فيه الرجال
وسنونوة الحب رحلت
والحب القيسي صار في خبر كان..
لو كنت املك خاتم سليمان
لأيقظت أمواتا احبوا الحياة
واقبرت اتباع الشيطان..

اه لو أملكك ياخاتم سليمان
لو أملكك فقط لمدة يومــان
سأفعل
الذي لم يفعله انس ولا جان
ولن يكون لي جشع الانسان
فلن أطلب
لا ثروة ولا جـــاه ولا سلطـــان
ولا حتى البقاء عبر الأزمــــــان
ولا القضاء على الشيطـــــــان
لالا فلا يهمني
حتى من البحر اللؤلؤ والمرجان
ولا من الطعـــــــــــــــــام أفنان
ولا أريد تراب الأوطــــــــــــــــان
كل هذه لا اريدها الان
فـــانا لا اريد السفر للقـــمر
ولا من الزهور العطـــــــــــــر
بل أريدك
أن تبعــــدني عن كل البشر
اريدك ان تحملني هنـــــــــاك
بعيدا بعيدا في الامكــــــــــان
لعالم من النسيــــــــــــــــــان
اقصى من مدارك انســــــــان
اقصى المجهول
نعم ياخاتم سليمان
لعلني أجد المحبة و الحنــــــان
أجد سعادة وثقة واطمئـــــــنان
فقد صعب العثورعليها بهذا الزمان

ايه الروعه دى بجد اجمل مايكون وكلماتك جميله قوى

يارب المزيد من الكلمات الجميله

اتمنى لكى التوفيق

ربنا يوفقك وتحقق كل امانيك واحلامك واحنا كمان معك

اكيد كلنا بنحلم وكلنا نفسنا نحقق احلامنا

وجميل جدا انك تحلم والاجمل انك يكون

عندك امل فى تحقيق حلمك